العام اللي فات

مثل هالوقت من العام اللي فات قلت لحبيبي أحبك وصارحني بحبّه

وعدني يبقى بحبي أكثر من مرات وأنا وعدته أكون عند حسن ظنّه

وعدته أكتب له أحلى الأبيـات ووعدني يبقى معي عالحلوه والمرّه

كنت أنا وحبيبي بأحلى لحظات كان مايرد لي طلب و أنا ما أردّه

كنت ألاقي بعيونه أحلى صفات حبنا مجنون و الجنون وصل حدّه

كنت أسهر معه أروع السهرات واذا جا وقت الفراق يقول ماودّه

و اليوم ياخساره حبي بقلبه مات مدري ليه تَغيّر و قفل بابه وسدّه

اليوم أنا أشرب من كاس الآهات بعد ماأسقاني الشهد أسقاني صدّه

خيّب ظني و ايش تفيد الكلمات بعد مارخيت الحبل جاني و شدّه

ياليت أقدر أرجع للعام اللي فات وأعيش لحظـه من لحظات وِدّه

يالله عسـاها تصبرني الذكريات وأنساه وأنسى أمه وأخوه وجَدّه

الله الله على هاي الكلمات الرائعة