طالب وعايف دروسي ..... بقلمي

طالب وعايف دروسي
واقره اشعار وجرايد
عاشگ بنيه بالشعبه
والگلب بس الهه رايد
هيه حلوه . شلون حلوه ؟ حيل حلوه
بس ابويا شلون واحد بالحزن ناسيني اهلي
وحتى لون عيوني جارد
حاولت الفت نضرهه
بكل وسيله وماكو فايد
غيرت لبسي ومشيتي
وفكري بالمودات شارد
گعدتني ع الحديده
لا بعت حته الحدايد
جللت شعري و صبغته
والبست حته گلايد
لا تگلي ولا اگلك
بهدلتني الله شاهد
وهيه تدري بس خبيثه
مثولتهه . والدلال بارد
وانه نار بنص دليلي
خاف اصارحهه وتعاند
مره اگول احچي وياهه
ومره اگولن خليني راشد
وين چانتلي يا ربي
مو چنت متونس وگاعد
قررت لازم ابوح
بحبي الهه وما احايد
بوري ما بوري اسولف
قابل مصارح مجاهد
جيت وتقربت يمهه
جسمي يرجف حيلي بايد
والضغط گام ايتخربط
مره نازل مره صاعد
گمت اتمتم گمت اعتعت
گمت احس بالساني جامد
ردت افلت بس مترهم
گالت اتفضل شرايد ؟؟؟؟ (ها لك شعندك.) هع
گلت عفوا من رخصتچ
بلچي عندچ قلم زايد !!!!

روعة كلش حلوة عاشة الايادي

شكرا على مرورج الحلو

عاشتا يدك عالكلمات الروعة

» قصة حياتي .. بقلمي