كلمات من القلب

في عالم النسيان ماعشت نسيان** فالذكرحبك مبرمج ومهيون
لك في مدار الفكرمرمى ولك شان** محفوظ حبك عن اذاعه يقولون
اسرحت الك من قبل المشاعر والاوزان**والشعر ياتي في معاليك موزون
في غيبتك يخفق لك القلب ولهان **وفي حضرتك يفزلك أوتار ولحون
في مشيتك تفتح لك الروح بيبان** وفي وقفتك ينتاب معشوقتك جنون
وفي جلستك تسجد لك رموش لعيان**وفي نضرتك يغار من نورك نور لعيون
وفي بسمتك يرقص لك القلب طربان **وينشئي لك بروج الغلا ابراج وحصون
اعطاك ربي من الحلا اعذب الالحان**وحبك زين فاق على كل مزيوزن
انت كذا في ناظري اجمل انسان **وأغلا بشر خلقه ربي بدا الكون
قلبي تولع فيك والحب سلطان**سيفه على قلوب المحبين مسنون
جمعت زهر الحب من كل بستان**وهديتك اسمى حب في كل قانون
وشلون اقاسي محبه وحرمان**واعيش باسبابك مدى العمر مفتون
جرحك بقلبي كان له سنين مابان**في مهجتي مابين الاضلاع مدفون
واليوم بان وصار بأشكال والوان** حب وغرام وشوق وجروح وشجون
عدة سنين عشتها بغير عنوان** الابعذابك ياعذاب الناس مرهون
وانت اعرفك ما تخلف العهد لو كان ** محكم كما يحكم على القدس صهيون