مثلك مالكينه ياعراق

مثلك مالكينه ومااظن نلكه
عراق وبيك هذه الروح متعلكه
شبكني العشك بمحبتك وهنياله اليعيش ابروح متشبكه
عراق وياوطن مثلك حمل الام وتحده المنايه ومانكر عشكه
تحزم بالامل ماطاح من الضيم مدطوله اعل جرحه وجلب بعركه
الاصيل شما تعب حيله يرد اردود وشلون الكديش بلحكه ويسبكه
اذا انكلبت الدنيا وما بقت كيعان بس انته التظل ياعراقنه وتبقه
ويظل وجهك شمس تغزل ضواهه اشعار وبنص السما بكل حين متعلكه
ويظل صوتك ضمير لكل الشعب مظلوم مابكدر عليه الطاغي ويخنكه
: احبك واليحب همه وعذابه ايزيد لوطالت عليه وزادت الفركه
جرحك بالقلب ما طاب من سنين والليالي البعد عن دجله اتغمكه
يابحر الموده قلبي بيك ايفوج اتوسل ابروجك بلكت ايغركه
هنياله اليموت بارضك وربحان لان ارضك حنينه بكل وفه اتشبكه

تعال ازرع صحاري الشك بساتين وتعال ارسم دم عيني ابتسامات
تعال انثر محبه ابدرب السنين ورجعلي شعبر من عمري وفات
تعال وبالشمس غرك الروازين وعلا اخدودي التحبك صير بوسات
تعال امطر محبه وروحي نهرين ايتلاكن بالفرح والشوك روجات
ترف سيف الهجر سواني نصين علي الحك بقت بالروح ساعات
عراقي انا ومحبتي من الفراتين اصلها وللطمع مابيها غايات
: ماعيلن واغيظ واحمل الشين وربتني المصايب خوش تربات
ماانشد حبيبي الرادني وين ولاكصر عليه بيوم كلفات
عراقيين احنه وموش من طين مخلوقين من حب وكرامات
ولان عروكه بكلوب المحبين يظل واكف نخلنه حتى لو مات

» كلمات اغنية ابنك ياعراق
» يمتا ابوس ترابك ياعراق
» صور الفنان حسام الرسام من اغنية ابنك ياعراق