بغـــــــــــــــــــــداد

بغـــــــــــــــــــــداد

صدى جروحك تفزز بيك نار الغيض

وتصهـــل مهـــرتك وتريد غـــايبهه

ياخــــارطه مـرافـك عـينهه الوهواس

دوم اعلــــه المصيبه تـرف حواجبهه

بيــك مـــن المصايب يـاوطـن الـوان

ومعــلم بـالاســود كـلــهه تشجبــــهه

دبــــدل لافـتاتــك بقــه انــريد نشوف

شنـــو بــس انتقــل جـلـبت تكـتبـــهه

اريــد اتخيـلك واقـنع واغـمض العين

واسـرح وبخيـالـي اضنــوني اجــذبهه

واطــب بغــداد راهـب للعشك والشوك

وافتــح عيني الكــه الموت راهبــهه

بغــداد الكبـل يغفـه ابـجـفـنهه اللــيل

الكبــل حتـه العجب ماجان يعجبهه

العفيفه المن سترهه الستر لابس ثوب

الشـرف يتوسل الهه يصير صاحبهه

تـالي الـبل حلم يتمنه بيــهه يفـــــوز

طـب كلتــهه هسه وصار غاصبهه

ذيــج ام الـف ليله السمر والاعراس

ضعفهــن مــايكفي الــعد مصايبــهه

ذيــج البيــهه دجلـه محجبه وبت بيت

وابــن عـمهه الفــرات العاشك يحبهه

لعب بيهه الزمان وصار بيهه الصار

والــواشي كــــدر بالــلايمه يـــــذبهه

فتنــهم والفـــرات الغــزل سواه سيف

ودجــله بــلا عطـف مـــدت مخالبهه

ســوت روس اخـوته اليوم قراصات

بيهــــن لــلاسـف شــدت كصايبـهه