صدكيني راح تندمين

كتلج هذا اخر كلام ياريت تسمعين
بس طلعتي يافلانه بكلامي تستهزئين
وياي جنتي بالحب بالنظر بس تلعبين
ما اكلج مكدرتي لكلبي الحصي تطبين
وبمشاعري شلون ماتريدين بيهه تلعبين
صدكيني على هاي لعبتج راح تندمين
و راح كل ليله بدموعج يافلانه تذرفين
وتجين عليه ويم بابي تكعدين تتوسلين
واكلج عساج يا فلانة ابد ما تسكتين
وتظنين انو غرورج راح يخليج تقاومين
والله
لو انتي حواء اني ادم ومن ضلعي تخلقين
ولو انتي ورده اني الشتى وبيه تذبلين
ولو انتي الكمر اني الشمس ومني تضوين
ولو انتي النار اني المي وبيه تخمدين
ولو انتي حمامة اني الريش وبيه تطيرين
ولو انتي القصيدة اني القافية وبلياي ماتتألفين
ولو انتي الكلب اني الشرايين وبلياي ماتدكين
__________________