مغرورررررررررر

انا بلياك كلبي شمايدك يبرد

ياباب الفرح والحزن مد الشوف



خايف لايهب عالي الهوة وتنسد



يااسود رمش هنيال لون الليل



جي لنة وي عينك دوم يتودد



فضلك عالحسن انتة اخر العنكود



وبستان الورد لولاك ماورد



يازفة عرس ضحكتك تالي الليل



وياعين الصكر بالزعل من تحتد



يالتدلع غنج واليحب موكصاي



وانتة اعلة الجتل مبخوت تتكصد



ياصوغة هدايا وفضفضاك الليل



لاتلتم بدية ولاهدي وتنشد



عودني علة بعدك وانتة ابو الطيبات



بلجت عالبعد يمعود اتعود



كالولك حلو وخلوك بية تجور



والكلك شوصف بيك وشعدد



اشو لاموحلو وماتشبه الغزلان



ولاريح الكرنفل بيك لو ورد



ولاعينك مسافة وبسمتك سلوان



ولا كل اليشوفك تمر يتحدد



ولااللة ابتلاني وخالط الجيلين



ولاعمري اعلة شربة ماي يتفرهد



ولاتزهي بشبابك ماخذك طغيان



ولاانتة العزيز البيك بس اركد



ولاصوتك شعر وحجايتك ناكوط



وبشفافك نظارة الماحواها احد



ولاغاوي ولذيذ وتشبه النعناع



طيبة وطيبتك كل يوم تتجدد



ولاطولك مصيبة ومثل كل الناس



حسنك موقبى وخدك مثل كل خد



يااسهل من اسمي وصعب حد الفيض



وطلاسم لوردت وياي تتشدد



صدكني احبك حب غريب الطور



واحب صبرك علية وماكلت لاحد