دوخني العراق

ابوك من الفرح لسمك حـرف وانطيك
والكــــه ويه الحزن متقاوله حروفـك

واكول اجرح جروفك حته تنزف ماي
وتظل تنزف جثث من اجرح جروفك

واظـــل دايـــخ بوصفك وبكبر معنـاك
وادوخ اكـــثر بعد ياجـرح شــيروفك

نذر خلصت عمــرك لجل هــذا وذاك
ومفصل الركــاب كــراب لسيــوفــك

اســف هــدت عليك الكــبل بيك تـلوذ
وخــيرهم صبــح للمــوت زافـوفــك

جنت الهــم درع وحــزام للكــلفــات
وجـازوك ونعــم قيـــمــو معــروفك

كبـــل باســــو جفــوفك مــن لفـاهم
بــس لمــن ترهــــو كصــو جـفوفـك

وتكتلني بصفنتك وانــه صاير نـار
واسئلك يمته تخلص ســيدي طفـوفك

حلمك ما قنــع ينزع ســواده بـيوم
وفـــكر تنكــلب عريــس بطـــــيوفك

مــو خلصو شبابك ياهـو للنـسوان
تنطيـهــن سبايه شلـــون ما اشــوفــك