البنات شلون يقفصون على الشباب خخخخ

هلا حبايبي حياتوووو .. اليوم جايبلكم خوش سالفة
هاي السالفة ومابيه

البنية دكت مس كول لصاحبهة هوة رجع خابرهة ممصدك خطية متريد شي بس كارت ودتطمئن على حبيبها الكمش ... تجيكم السالفه

القفاصة : الو

الكمش : الو

القفاصة : هلو حبيبي حياتي عمري ( هاي هنا دتصبخ اتعلموا منه يبنات )

الكمش : هلو حبيبتي روحي شلونج ( هوة مصدك)

القفاصة : حبي اني بخير اذا انتة بخير ( طكش طكش همزين منكطع الخط )


الكمش : اشكرج حياتي اني بخير

القفاصة : عمري مشتاقتلك ( دتقشمرة )


الكمش : اني هم مشتاقلج كليبي


القفاصة : لا جذاب انتة متحبني ( وعلى حورج يحبج )

الكمش : عمري والله اموت عليج ليش هيج تكولين ( من كبر لفك ولف حبك )

القفاصة : شنو الي يثبت انت تحبني ( قصدهة عل الكارت )

الكمش : يكفي اني عمري كلة كدامج

القفاصة : ( بكلبهة شسوي بعمرك ) اوكي حبي

الكمش : ها رضيتي حياتي

القفاصة : اي


الكمش : الحمد لله

القفاصة : حبي اكو فد شي نسيت اكلك عليه

الكمش : شنو هوة حبي

القفاصة : بابا سافر

الكمش : وين سافر

القفاصة : للخارج ( اي طبعا للخارج هية مال دروب تريد تذكر فد دولة ماكو )

الكمش : وين ليا دولة ؟؟؟

القفاصة: لسوريا

الكمش : اي يروح ويرجع بالسلامة

القفاصة : مكتلي ليش سافر

الكمش : ليش حبي ؟؟

القفاصة : لان كلش محتاجين فلوس ومدا ندبر عيشتنة وماما باعت ذهبهة والموبايل مالتهة حتى نطلع فلوس السفر لبابا حال الضيم حالنة هسة ( والله تقهر يا عيني عليج اني من يمي صدكت )

الكمش : حبي لتبجين امسحي دموعج ان شاء الله يتوفق ابوج ويلكة شغلة زينة وتعيشون احسن عيشة
( هوة غير يحس )
القفاصة : حبي اني خايفة لا من تريد تخطبني اهلك ميقبلون لان احنة حالتنة تعبانة

الكمش : وداعتج انتي اذا مقبلو اخذج وننهزم

القفاصة : ( بينهة وبين نفسهة " اي مو خلصو الرياجيل انهزم وياك " ) حبي بس اني اريد اوصلك شي بس ما اعرف شلون وكلش مستحية ( اويلي على المستحية )

الكمش : لا حبي تستحين مني ؟؟؟ اخنكج غير ( عود هوة مسيطر ) كولي حياتي شتريدين

القفاصة : مبقت عدنة فلوس يادوب ناكل ونشرب بيهة وبابا صارلة يومين من طالع ومنعرف شنو اخباره

الكمش : اي شي تحتاجين اني بالخدمة ( اي حضرتة لابس عسكرية )

القفاصة : شكرا حبي .. بس اريد اخابرة وما عندي رصيد دناوشني من يمك كارت ابو 10


**ونهاية القصة الكمش راسا دزلهة كارت ارقامة غلط بمسج وهية من وصل الكارت كامت تهلهل وتكول قفصت عليه كلليييييييييش .... مو علينة سحالي
ديرو بالكم شباب من هيج قفاصات ...

ههههههههه
ليش احباب الروح ليش؟
هو منو الي يقفص على منو؟
مو احنا عاجنيكم وخابزيكم
خخخخخخخخخخخخ
بس حلوة